ਦਹੀ ਅਤੇ ਪਿਆਜ਼ ਦਾ ਹੇਅਰ ਮਾਸਕ : ਦਹੀ-ਪਿਆਜ਼ ਦਾ ਪੈਕ ਵਾਲਾਂ ‘ਤੇ ਲਗਾਉਣ ਨਾਲ ਡੈਂਡਰਫ ਅਤੇ ਖੁਜਲੀ ਤੋਂ ਛੁਟਕਾਰਾ ਮਿਲਦਾ ਹੈ। ਇਸ ਦੇ ਨਾਲ ਹੀ ਵਾਲ ਸਿਹਤਮੰਦ-ਚਮਕਦਾਰ ਬਣਦੇ ਹਨ ਅਤੇ ਵਾਲਾਂ ਦਾ ਟੁੱਟਣਾ ਵੀ ਘੱਟ ਹੁੰਦਾ ਹੈ। ਇਸ ਦੇ ਲਈ 2 ਚੱਮਚ ਦਹੀਂ ਲਓ ਅਤੇ ਇਸ ‘ਚ 5-6 ਚੱਮਚ ਪਿਆਜ਼ ਦਾ ਰਸ ਮਿਲਾ ਕੇ ਪੇਸਟ ਬਣਾ ਲਓ। ਹੁਣ ਇਸ ਪੇਸਟ ਨੂੰ ਖੋਪੜੀ ਅਤੇ ਵਾਲਾਂ ‘ਤੇ ਚੰਗੀ ਤਰ੍ਹਾਂ ਲਗਾਓ ਅਤੇ ਅੱਧੇ ਘੰਟੇ ਲਈ ਛੱਡ ਦਿਓ, ਫਿਰ ਆਮ ਵਾਂਗ ਸ਼ੈਂਪੂ ਕਰੋ।
ਕੇਲਾ ਅਤੇ ਪਪੀਤੇ ਦਾ ਹੇਅਰ ਮਾਸਕ : ਕੇਲੇ ਅਤੇ ਪਪੀਤੇ ਦੇ ਹੇਅਰ ਮਾਸਕ ਦੀ ਵਰਤੋਂ ਵਾਲਾਂ ਦੇ ਟੁੱਟਣ ਅਤੇ ਫੁੱਟਣ ਤੋਂ ਛੁਟਕਾਰਾ ਪਾਉਣ ਲਈ ਵੀ ਕੀਤੀ ਜਾ ਸਕਦੀ ਹੈ। ਇਸ ਦੇ ਲਈ 2 ਚਮਚ ਪਪੀਤੇ ਦਾ ਗੁੱਦਾ ਅਤੇ 2 ਚਮਚ ਕੇਲੇ ਦਾ ਗੁੱਦਾ ਲਓ ਅਤੇ ਇਨ੍ਹਾਂ ਨੂੰ ਚੰਗੀ ਤਰ੍ਹਾਂ ਮਿਲਾਓ। ਹੁਣ ਇਸ ਪੇਸਟ ਵਿੱਚ 1 ਵਿਟਾਮਿਨ-ਈ ਕੈਪਸੂਲ ਦਾ ਤੇਲ ਮਿਲਾਓ। ਫਿਰ ਇਸ ਪੇਸਟ ਨੂੰ ਵਾਲਾਂ ‘ਤੇ ਲਗਾਓ ਅਤੇ ਅੱਧੇ ਘੰਟੇ ਲਈ ਛੱਡ ਦਿਓ, ਇਸ ਤੋਂ ਬਾਅਦ ਆਮ ਵਾਂਗ ਸ਼ੈਂਪੂ ਕਰੋ।
ਮੇਥੀ ਦਾ ਹੇਅਰ ਮਾਸਕ : ਮੇਥੀ ਨੂੰ ਵਾਲਾਂ ‘ਤੇ ਲਗਾਉਣ ਨਾਲ ਵਾਲ ਮਜ਼ਬੂਤ ਹੁੰਦੇ ਹਨ। ਇਸ ਦੇ ਲਈ ਚਾਰ ਤੋਂ ਪੰਜ ਚੱਮਚ ਮੇਥੀ ਦੇ ਬੀਜਾਂ ਨੂੰ ਰਾਤ ਭਰ ਪਾਣੀ ‘ਚ ਭਿਓ ਦਿਓ। ਫਿਰ ਸਵੇਰੇ ਇਨ੍ਹਾਂ ਨੂੰ ਪੀਸ ਕੇ ਪੇਸਟ ਬਣਾ ਲਓ। ਹੁਣ ਇਸ ਪੇਸਟ ‘ਚ 1 ਚੱਮਚ ਦਹੀਂ ਅਤੇ 1 ਚੱਮਚ ਕੈਸਟਰ ਆਇਲ ਮਿਲਾ ਕੇ ਸਿਰ ਦੀ ਚਮੜੀ ‘ਤੇ ਹਲਕਾ ਜਿਹਾ ਮਸਾਜ ਕਰੋ ਅਤੇ ਫਿਰ ਵਾਲਾਂ ਦੀ ਲੰਬਾਈ ‘ਤੇ ਵੀ ਲਗਾਓ। ਹੁਣ ਇਸ ਨੂੰ ਅੱਧੇ ਘੰਟੇ ਲਈ ਇਸ ਤਰ੍ਹਾਂ ਹੀ ਰਹਿਣ ਦਿਓ, ਇਸ ਤੋਂ ਬਾਅਦ ਆਮ ਵਾਂਗ ਵਾਲਾਂ ਨੂੰ ਧੋ ਲਓ।
ਸ਼ਿਕਾਕਾਈ ਹੇਅਰ ਮਾਸਕ: ਸ਼ਿਕਾਕਾਈ ਵਾਲਾਂ ਨੂੰ ਜੜ੍ਹ ਤੋਂ ਮਜ਼ਬੂਤ ਕਰਦੀ ਹੈ, ਅਤੇ ਡੈਂਡਰਫ ਤੋਂ ਛੁਟਕਾਰਾ ਪਾਉਣ ਵਿਚ ਵੀ ਬਹੁਤ ਮਦਦਗਾਰ ਹੈ। ਇਸ ਦੇ ਲਈ ਦੋ ਚੱਮਚ ਸ਼ਿਕਾਕਾਈ ਪਾਊਡਰ ਲਓ ਅਤੇ ਇਸ ‘ਚ ਇਕ ਵੱਡਾ ਚੱਮਚ ਦਹੀਂ ਪਾ ਕੇ ਚੰਗੀ ਤਰ੍ਹਾਂ ਨਾਲ ਮਿਲਾਓ। ਫਿਰ ਇਸ ਪੇਸਟ ਨੂੰ ਵਾਲਾਂ ਦੀ ਜੜ੍ਹ ਤੋਂ ਸਿਰੇ ਤੱਕ ਲਗਾਓ ਅਤੇ ਕੁਝ ਦੇਰ ਸਿਰ ਦੀ ਮਾਲਿਸ਼ ਕਰੋ। ਅੱਧੇ ਘੰਟੇ ਬਾਅਦ ਆਮ ਵਾਂਗ ਵਾਲਾਂ ਨੂੰ ਧੋ ਲਓ। ਤੁਹਾਨੂੰ ਦੱਸ ਦੇਈਏ ਕਿ ਆਯੁਰਵੈਦਿਕ ਗੁਣਾਂ ਵਾਲੀ ਸ਼ਿਕਾਕਾਈ ਵਿਟਾਮਿਨ ਏਸੀਡੀ ਅਤੇ ਵਿਟਾਮਿਨ ਈ ਨਾਲ ਭਰਪੂਰ ਹੁੰਦੀ ਹੈ।
ਆਂਵਲਾ ਅਤੇ ਨਿੰਬੂ ਦਾ ਹੇਅਰ ਮਾਸਕ: ਤੁਸੀਂ ਵਾਲਾਂ ਦੀ ਮਜ਼ਬੂਤੀ, ਚਮਕ ਅਤੇ ਵਿਕਾਸ ਨੂੰ ਵਧਾਉਣ ਲਈ ਆਂਵਲਾ ਅਤੇ ਨਿੰਬੂ ਦੇ ਹੇਅਰ ਪੈਕ ਦੀ ਵਰਤੋਂ ਵੀ ਕਰ ਸਕਦੇ ਹੋ। ਇਸਦੇ ਲਈ ਥੋੜੇ ਜਿਹੇ ਪਾਣੀ ਵਿੱਚ 3 ਚੱਮਚ ਆਂਵਲਾ ਪਾਊਡਰ ਅਤੇ 2 ਚੱਮਚ ਨਿੰਬੂ ਦਾ ਰਸ ਮਿਲਾ ਕੇ ਇੱਕ ਮੁਲਾਇਮ ਪੇਸਟ ਬਣਾ ਲਓ। ਫਿਰ ਇਸ ਪੇਸਟ ਨੂੰ ਸਿਰ ਦੀ ਚਮੜੀ ਤੋਂ ਲੈ ਕੇ ਵਾਲਾਂ ਦੇ ਸਿਰੇ ਤੱਕ ਲਗਾਓ ਅਤੇ ਅੱਧੇ ਘੰਟੇ ਲਈ ਇਸ ਤਰ੍ਹਾਂ ਹੀ ਰਹਿਣ ਦਿਓ। ਇਸ ਤੋਂ ਬਾਅਦ ਵਾਲਾਂ ਨੂੰ ਸਾਧਾਰਨ ਪਾਣੀ ਨਾਲ ਧੋ ਲਓ।